• runforgoodhk

【區區有步跑】香港越野定向徑第二集

睇完第一集,大家有冇去香港仔野外定向徑試吓呢項運動呢?呢排天氣咁好,不如週末試吓另外一條越野定向徑,薄扶林定向徑!


(薄扶林定向徑)

(控制點)


如果大家想同小朋友 一齊感受野外定向呢個運動,但係又怕難度太高嚇親小朋友,咁薄扶林定向徑就啱晒你啦!小編走訪五條定向徑後認為呢條路最Easy,而且交通好方便。大家可以響港島坐巴士去到薄扶林公眾騎術學校 落車,沿薄扶林水塘道去到水壩位置就係定向徑嘅起/終點。上次我哋講咗定向嘅基本概念,今次不如就分享地圖同指南針基本使用技巧,仲有呢條路線嘅特色啦!

正置地圖技巧(set map)

1. 紅針指向北 - 首先用指南針指向紅色正北位置(正如上次提到,如果有定向專用指南針,指南針底盤有明顯嘅平行線,利用平行線配合地圖使用方向會更準確,不過首次體驗,路線亦相對簡單的話,手機指南針功能其實亦勉強足夠),一般郊外常用地圖或競賽用定向地圖正上方都係指向正北。

2. 重疊底盤平行線與地圖線 - 將地圖正北和指南針的正北指向同一方向,如果使用定向專用指南針,可以將底盤平行線和地圖兩旁的向上框線重疊,然後一同將地圖及指南針扭向指南針紅色指北方向。

3. 每次移動須重置地圖 - 正置地圖後,地圖的山形地勢及路徑方向就與現實情況互相吻合,但亦要留意,當我哋每一次移動後,地圖方向便有所偏離, 所以每次使用地圖前應重置地圖方向。

4. 注意水平 - 指南針亦應水平使用,當指南針處於非水平時就會出現偏差。

5. 考觀察力 - 薄扶林定向徑上落差較小,分叉路亦唔多,不過好多時控制點(check point)隱藏嚮樹叢或唔明顯位置,所以好考眼力㗎!

下集小編會再講吓地圖閱讀技巧,唔好錯過呀!天氣咁好,同小朋友玩就最啱啦!大家快啲click以下連結,下載並打印地圖

https://www.afcd.gov.hk/.../Pok_Fu_Lam_Orienteering_Trail...


0 comments