【區區有步跑】單車屯馬線之跑步遊3

嚟到第三集，究竟景色同路段有同之前有咩分別，大家快啲嚟睇吓啦！

第三段：落馬洲公共交通轉車站-新田公路-青山公路古洞段-雙魚河-河上鄉-塱原濕地-上水-粉嶺-太和火車站（約15K）

由落馬洲公共轉車站開始至青山公路古洞段，一直都係沿住條公路跑，成條路線最大麈就係呢一段，而且單車徑亦因公程斷斷續續，有時候單車朋友需要落車推上行人路行一小段，所以大家記得互相禮讓人冇事先做到世界冠軍㗎！

(雙魚河一帶風景)

去到雙魚河 左轉入河上鄉，風景就截然不同，雙魚河風景好靚，而且好難得附近冇大型建築物，可以見到草原加大片天空嘅靚景。去到河上鄉亦有一個專為單車徑而設嘅休息同補給點，大家可以去個洗手間同加水。沿着雙魚河跑，右手邊就係有名嘅塱原濕地，係全香港最大片同完整嘅淡水濕地。有時間嘅朋友不妨參觀下濕地入面嘅農田同魚塘，感受一下香港嘅生態多樣性。

(北區公園)

離開雙魚河之後好快就會去到上水市中心，同之前元朗一樣，入到市區好容易蕩失路，尤其係由上水 到粉嶺 一段，單車徑四通八達，唔覺意就會走咗好多冤枉路㗎啦。所以跑友們最好做定功課，計劃好路線先好出發！去到粉嶺，大家可以響北區公園休息下洗個面，又或者入去名都商場 食少少野，再跑埋最後一段。

(九龍坑)

慢慢離開粉嶺，沿着新界環迴公路，冇幾耐就會見到啱啱起好嘅龍山隧道同埋香園圍公路，跟住就會經過九龍坑，再見到康樂園就差唔多返到第3段嘅終點，太和，大家可以選擇去大埔運動場 換件衫先搭車離開。

溫馨提示：跑友們記得留返喺行人路上面，盡量唔好落單車徑，尤其假日，人車爭路好危險㗎。