Run for Good 究竟係乜來？不如用條片答大家啦！

都市人生活繁忙，成日都話冇時間做運動。不過好多長跑達人其實會把握返工或者放工時間操練，將必需物資孭上身跑返office/屋企，跑友叫呢啲做‘通勤跑’。日本神級跑手村內優輝上年以業餘跑手資格傳奇性嬴得波士頓馬拉松，佢平時就係以通勤跑做主要訓練模式。今日小編就以荔枝角做起點，跑到新蒲崗返工，同大家實測香港如何‘通勤跑’！ 路線：美孚巴士總站-饒宗頣文化館-龍翔道-龍翔道觀景台-黃大仙-彩虹道-東啟德體育館（共8km) 裝備：跑袋一個，替換衣服一套 治途補給：基本上8km唔補都得，不過如果你冇水唔得就最好帶支水響身，因為一上龍翔道就冇機會買到野飲。 路線特點：極大麈，大上大落，市區算少紅綠燈，觀景台風景勁正！ 跑完後感：雖然大塵，不過作為九龍嘅‘龍脈’，龍翔道貫穿左東西九，作為通勤跑，可謂四通八達，由東九黃大仙至油塘甚至將軍澳，到西九荔枝角到荃灣，都可以選擇呢條路線！ 最後，你可能話通勤跑多車大塵日囇雨淋好多野拎補水困難早起辛苦放工好攰等等等等；係，要唔跑唔運動的確理由充分陪審團一個裁定訓多陣好過，而跑既理由，可能只得一個。 咁，你跑唔跑？

【Run For Good - The Dragon Run International Surf-ski & Outrigger Championship 2019】 上星期提到，Run For Good 協辦嘅 The Dragon Run 龍賽係本地 #SurfSki #衝浪撬 同 #OutRigger #夏威夷艇 一年一度嘅大賽，究竟乜嘢係 Surfski 同Outrigger? 個比賽究竟又有幾難？唔好講咁多，一齊去片睇下比賽嘅花絮啦！ 上星期提到，Run For Good 協辦嘅 The Dragon Run 龍賽係本地 #SurfSki #衝浪撬 同...

【冬至團圓跑 - 賽事花絮】 好多人都唔知，冬至團圓跑除左比一家大細朋友親戚可以用運動做冬之外，其實仲有好多唔同嘅群組一齊參加呢個比賽，真正用運動去‘團團圓圓’！究竟有邊啲群組？一齊去片睇下當日花絮！

【THE FOREST X Run For Good 山·林·道】 感謝 #THEFORESTHK，Run For Good 有份參與拍攝，一連四集嘅 山·林·道 出左啦，打頭炮嘅有 Elton Ng 教大家野外定向，之後仲有 Stone Tsang 講親子遠足，輝Sir Wong Ho Fai 教大家 plogging，同埋 #包山后 AnGel Wong Ka Yan 示範户外攀石！快啲Click 入 THE FOREST HK 專頁，回答簡單問題，仲有機會贏得豐富獎品，快啲叫埋朋友去玩啦！ 疫症嚴峻，大家呢14日都盡量出少啲街，而家睇住段片止住癮先，期待往後山上見返大家！

【THE FOREST X Run For Good 山·林·道】 上次有 Elton Ng 教我地野外定向，今次不如就由 #越野強人 Stone Tsang #曾小強 帶埋仔仔 #貝洋 去講下點樣設計行山旅程去建立小朋友對大自然嘅興趣啦！睇完記得去 THE FOREST HK 玩埋遊戲換奬品啦！

【Run For Good X THE FOREST X 輝sir】 疫情持續，好多人都會去郊外行山吸收下新鮮空氣，不過人多，垃圾都多左好多，其實我哋除咗可以 #自己垃圾自己帶走 #山野不留痕 #LeaveNoTeace 之外，其實仲可以一路行一路執走其他人留低嘅垃圾，呢樣野原來叫做 #Plogging ，響歐美已經相當流行，今次 THE FOREST 嘅山·林·道系列就搵左 輝Sir Wong Ho Fai 同我地一齊去獅子山，睇下 Plogging 有乜要留意嘅地方！睇完段片，記得去埋 THE FOREST HK 個page玩遊戲赢獎品！